Ngrohtorja “Termokos” ka filluar punimet për zgjerimin e rrjetit të ngrohjes për lagjen në afërsi të Parkut të Qytetit në Prishtinë.
Termokosi njofton se në kuadër të këtij projekti do të kyçen në rrjetin e ngrohjes 62 objekte me 767 njësi banesore.
“Kryeshefi Ekzekutiv i NP ‘Termokos’ SH.A., z. Fisnik Osmani me aksionarët e ndërmarrjes znj. Jeta Rafuna dhe z. Milazim Vitija, morën pjesë në fillimin e punimeve për zgjerimin e rrjetit të ngrohjes për lagjen në afërsi të Parkut të qytetit”.
“Në kuadër të këtij projekti do të përfitojnë shumë qytetarë të kësaj lagjeje, ku do të kyçen në rrjetin e ngrohjes 62 objekte me 767 njësi banesore me 106.145 m/2 sipërfaqe”, thuhet në njoftimin për media.
Projekti bëhet e ditur se është bashkëfinancuar nga Republika Federale e Gjermanisë dhe Dukata e Madhe e Luksemburgut nëpërmes Bankës Gjermane për Zhvillim (KfW) dhe nga NP “Termokos”.
“Sipas planit dinamik, shtrirja e rrjetit të gypave të ngrohjes për këtë lagje planifikohet të zgjasë disa muaj. NP “Termokos” SH.A. kërkon mirëkuptimin e qytetarëve për pengesat eventuale, që do të paraqiten gjatë realizimit të punimeve dhe paraprakisht i falënderon ata për bashkëpunimin!”, përfundon njoftimi.
Portali "Sigurimet" është themeluar në vitin 2023. Qëllimi i themelimit të portalit është ofrimi i alternativës në marrjen e informatave në mënyrë profesionale dhe në kohë sa më të shpejtë. Materialet dhe informacionet në "Sigurimet" nuk mund të kopjohen ose të përdoren pa iu referuar burimit të portalit apo miratimin nga redaksia.
Sigurimet, © 2024 Të gjitha të drejtat e rezervuara.
